Тошкентда Спаркни ўғирлаган шахс Португалия ўйинига пул тикмоқчи бўлган

Тошкент шаҳрининг Юнусобод туманида АЁҚШ ҳудудидан Spark автомобилини олиб қочган шахс ушланди.

Маълум қилинишича, гумонланувчи машинани қисмларга ажратиб сотишни режалаштирган. У тушган пулни букмекерлик идорасида Португалия терма жамоасининг ғалабасига тикмоқчи бўлган.

Унинг айтишича, Португалия ўйинидан келадиган ютуқ орқали мавжуд қарзларини ёпишни ўйлаган.

Ҳуқуқ-тартибот идоралари ходимлари ўғирланган автомобилни Бектемир тумани ҳудудидан топган. Машина эгасига қайтарилган.

Ҳозирда гумонланувчига нисбатан тергов ҳаракатлари олиб борилмоқда.