Месси жаҳон чемпионатлари тарихида янги рекорд ўрнатди

Лионель Месси жаҳон чемпионатлари финал босқичларида энг кўп голли узатма амалга оширган футболчига айланди.

Аргентина терма жамоаси сардорининг ЖЧдаги ассистлари сони 9 тага етди. Шу тариқа, у 8 та голли узатма қайд этган Диего Марадонани ортда қолдирди.

Кейинги ўринларда Германия вакили Пер Литтбарски ҳамда Полшалик Гжегож Лято 7 тадан ассист билан қайд этилган.

Месси жаҳон чемпионатларида нафақат голлари, балки шерикларига яратган имкониятлари билан ҳам тарихий натижа қайд этди.