Парма дарвозабони жароҳат олди

Италия А Сериясининг 11-турида "Парма" жамоаси "Милан" билан баҳс олиб борди ва дуранг қайд этди. Аммо ушбу ўйинда "Парма" ўз дарвозабони, японлик Дзион Сузукидан айрилди.

У қўлидан жароҳат олди ва бу жароҳат дастлабки кўринишига қараганда жиддийроқ экани маълум бўлди. Жароҳат 82-дақиқада, Алексис Салемакерс билан тўқнашувда юз берди.

Шунга қарамай, Сузуки ўйинни охиригача давом эттирди ва бир неча бор жамоасини қутқаришга муваффақ бўлди. Ўйиндан сўнг эса жароҳатнинг жиддийлиги маълум бўлди.

Эҳтимол, у бир муддат майдонга туша олмаслиги мумкин. Айни вақтда "Парма" жамоаси Италия А Серияси турнир жадвалида 17-ўринда бормоқда.