Тошкентдаги «EVOS» кафесида ёнғин содир бўлди

^{Фото: Видеолавҳадан скриншот}
Ҳодиса кеча соат 20:32да Шайхонтоҳур тумани кичик халқа йўли кўчаси 29-уйда жойлашган «EVOS» умумий овқатланиш шохобчасида содир бўлган.

Маълум бўлишича, ёнғиндан шохобчанинг 10 кв.м майдони зарар кўрган. Ҳолат юзасидан Тошкент шаҳар Фавқулодда вазиятлар бошқармасининг ёнғин-қутқарув гуруҳи соат 20:32 да етиб бориб, 20:46 да тўлиқ бартараф этганлар. Ёнғиндан жабрланган ва ҳалок бўлганлар йўқ.

Ёнғинни тахминий сабаби ва зарари аниқланмоқда.