Парижда ўсмир “божхона пости” очди: одамлар 2 евро тўлашга мажбур бўлди

Парижда 14 ёшли ўсмир билан боғлиқ ғалати воқеа жамоатчилик эътиборига тушди. “Божхоначи Ҳамза” лақаби билан танилган ўсмир Сен-Мартен канали атрофида ўзига хос “божхона пости” ташкил қилиб, ўтиб кетаётган фуқаролардан 2 евро талаб қилгани айтилмоқда.

Тўламаганлар эса унинг “жазоси”га учраган — ўсмир уларни сув пистолети билан ҳўллаган. Маҳаллий ОАВга кўра, у одамларни каналга итариш, уйга бостириб кириш ва ўғрилик каби ҳолатлар бўйича ҳам гумон қилинмоқда.

Хабарларга кўра, Ҳамза 27 июндан бери бир неча бор қўлга олинган. Бироқ у бундан афсусланмаганини, аксинча, “қамоқхонада кондиционер бор эди”, дея киноя қилган.

Ушбу воқеа Францияда вояга етмаганлар жиноятчилиги, тарбия, хавфсизлик ва миграция мавзуларини яна кун тартибига олиб чиқди.