Audi R8 ўрнига янги V8 гибрид суперкарини тақдим этди

Audi компанияси R8 моделининг ўрнини эгалловчи, чекланган миқдорда ишлаб чиқариладиган янги Nuvolari суперкарини намойиш этди. 987 от кучига эга бўлган ушбу V8 гибрид модели бренднинг янги флагманига айланади. Компания раҳбари Гернот Дёллнернинг сўзларига кўра, ушбу автомобил бренд келажаги учун ўзига хос баёнот вазифасини ўтайди. Бу ҳақда Autocar.co.ук хабар беради.

Nuvolari 4,0 литрли твин-турбо двигател ва учта электромотор билан жиҳозланган бўлиб, у немис бренди тарихидаги энг тезкор ва энг кучли серияли автомобил ҳисобланади. Унда Formula 1 технологиялари, жумладан, актив аэродинамика, углерод толали кузов ва тортиш кучини тақсимловчи тўлиқ узатмали тизим қўлланилган. Келаси йилнинг бошида сотувга чиқиши кутилаётган ушбу моделдан жами 499 дона ишлаб чиқарилади.

Янги суперкар Audi брендининг ўтган йили Концепт К модели орқали намойиш этилган янги дизайн тилини ўзида мужассам этган биринчи серияли автомобилдир. Nuvolari ўзининг техник асоси ва куч агрегатларини Volkswagen Груп таркибидаги Lamborghini брендининг янги Темарарио модели билан баҳам кўради. Бу анъана аввалги R8 моделининг Lamborghini Галлардо ва Ҳуракан билан ҳамкорлигига ўхшашдир.

Автомобил номи афсонавий пойгачи Тазио Nuvolari шарафига қўйилган бўлиб, у ўз вақтида Audi ўтмишдоши бўлган Ауто Унион жамоасида ҳаракат қилган. Ушбу лойиҳа Audi компаниясининг F1 мусобақаларидаги дебют мавсумига мослаб, рекорд даражадаги 14 ой ичида ишлаб чиқилди. Лойиҳа устида Audi, унинг F1 жамоаси ва Lamborghini муҳандисларидан иборат бирлашган гуруҳ меҳнат қилди.