Икки ҳамюртимиз майдонга тушган баҳсда "Шабаб Ал Аҳли" меҳмонда зафар қучди

Бирлашган Араб Амирликлари биринчи дивизионининг 22-тури доирасида ҳамюртларимиз Жалолиддин Машарипов ва Одил Ҳамробеков ҳаракат қилаётган "Шабаб Ал-Аҳли" жамоаси "Ал-Дафра" меҳмони бўлди.

Муросасиз кечган беллашув дубайликларнинг 2:1 ҳисобидаги ғалабаси билан якунланди. Ғалаба орқали "Шабаб Ал-Аҳли" ўз ҳисобидаги очколар сонини 40 тага етказиб олди.

Ўйинда Ҳамробеков 64 дақиқа, Машарипов эса 89 дақиқа ҳаракат қилди ва захирага олинди.