Греция клуби Жалолиддин Машарипов трансферини эълон қилди!

Грециянинг "Пансерраикос" клуби ҳамюртимиз Жалолиддин Машариповни ўз сафига қўшиб олди. Бу ҳақда клуб расмий сайти орқали хабар берди.

Машарипов янги жамоаси билан 1 йиллик шартномага имзо чеккан. У клуб сафида 10-рақам остида тўп тепади.

Айни дамда "Пансерраикос" Греция чемпионатида 5 ўйиндан кейин 6 очко жамғарган ҳолда турнир жадвалида 8-ўринда турибди.

Эслатиб ўтамиз, Жалолиддиннинг сўнгги жамоаси Саудия Арабистонининг "Ан Наср" клуби бўлган эди. Футболчи риёдликлар сафини эркин агент сифатида тарк этган.