Маҳмуд Мурадов UFCдаги навбатдаги ғалабасига эришди

Ҳамюртимиз Маҳмуд Мурадов Лондондаги UFC турнирида октагонга кўтарилди. Турнир доирасида ҳамюртимиз Маҳмуд Мурадов америкалик Брайан Барберенага қарши жанг қилди.

3 раундга мўлжалланган жанг тўлиқ давом этди ва унда Маҳмуд ҳакамлар қарорига кўра ғалабага эришди.

Маълумот учун, Маҳмуд шу кунгача UFCда 6 та жанг ўтказган. Бугун у промоушендаги 4-ғалабасини қўлга киритди. Бунгача у иккита жангда имкониятни бой бериб қўйганди.