Ойбек Жўраев россиялик боксчини енгди ва финалга йўл олди

Тошкентдаги "Ҳумо арена"да бокс бўйича эркаклар ўртасида жаҳон чемпионати давом этмоқда. Бугун ярим финал жанглари бўлиб ўтади.

-54 кг вазн тоифасида Ойбек Жўраев россиялик Дмитрий Двали билан рингга кўтарилди. Ҳамюртимиз кўк либосда, унинг рақиби қизил формада ҳаракат қилди.

Илк раудда Ойбек Жўраевнинг қўли баланд келди - 4:1.

Боксчимиз иккинчи раундни ўз фойдасига ҳал қилди - 3:2.

Учинчи раундда россиялик боксчи устунликка эришди 2:3. Якуний ҳисоб 5:2 Ойбек Жўраев фойдасига. Шу тариқа, Ойбек Жўраев финалга йўл олди.