Россияда граната кўтарган эркак намозхонага бостириб кирди

Россиянинг Дзержинский шаҳрида номаълум шахс намозхонага гранатага ўхшаш нарса билан келиб, уни фаоллаштиришини айтди. Бу ҳақда “Газета.ру” хабар берди.

Маълум қилинишича, 45 ёшли эркак Дмитрий Донской майдонидаги намозхонага кирган. У қўлида портлатмоқчи бўлган граната борлигини айтган. Ибодатхонадагилар дарҳол полицияга мурожаат қилган. Ҳуқуқ-тартибот идоралари ходимлари гранатани олиб, эркакни қўлга олган.

“Ҳодиса жойига зудлик билан етиб келган милиция ходимлари ҳуқуқбузарни ҳудудий ИИБга олиб кетди. У спиртли ичимлик таъсиридаги 1978 йилда туғилган маҳаллий фуқаро экани маълум бўлди. Ҳодиса давомида ҳеч ким жабрланмади”, — дейилади хабарда.

Кейинчалик граната муляж экани маълум бўлган, эркак уни яқин атрофдаги сартарошхонадан ўғирлаганини айтган.